Rekruterin səhvi şirkətə baha başa gəlir

Səhv insanı işə götürmək şirkətə çox baha başa gəlir. Belə ki, heç bir nəticəyə gətirib çıxartmayan təlim üçün sətf edilmiş vaxt (günlər və hətta həftələr) və pul ilə yanaşı, sınaq müddətində ödənilən əməkhaqqı və bu insanın şirkətə vurduğu ziyan yüksək məbləğdə özünü göstərə bilər. Mən hələ onun yerinə işçi axtarılması zamanı yaranan boşluqdakı ziyandan danışmıram. Araşdırmalara görə orta ölçülü bir mütəxəssisin 8 saat başqasıyla əvəzlənməsi, gələcəkdə şirkətə  bu mütəxəssisin aylıq əmək haqqısı qədər maddi itgi yaradır.

Odur ki, sizi çox yormayıb birbaşa mətləbə keçirəm. Aşağıdakı məsləhətlər işə qəbul zamanı sizə kömə ola bilər:
1. Qərarınıza digər komanda üzvlərini də cəlb edin.
2. İşçinin keçmişini azacıq da olsa araşdırmağa çalışın
3. Namizədin sosial şəbəkələrdəki profilini incələyin. belə ki, onun yazdığı bloqlar, Twitter, LinkedIn, Facebook paylaşımları və hətta sənaye məqalələri, ən yaxşı müsahibədə heç vaxt aça bilməyəcəyiniz bir insan haqqında maraqlı detalları aça bilər. Bu cür araşdırma, eyni zamanda namizədin CV-sindəki uyğunsuzluqları da aşkar etməyə kömək edə bilər
4. İntuisiya
5. Mürəkkəb suallar verin. Cavabların keyfiyyəti komanda işi və şəxsi məsuliyyət barədə vacib anlayışları aşkar edəcəkdir.

Məsələn belə suallardan bir neçəsini sizə təklif edə bilərəm:

* Bu gün hazırkı rəhbəriniz və ya iş yoldaşlarınızla əlaqə qursaydım, mənə sizin haqqınızda nə deyəcəklər?
* Əvvəlki idarədə hansı hallarda işiniz tənqid olunurdu?
* Praktik misalda səhvlərdə necə nəticə çıxardığınızı deyin.
* Özünüzü təkmilləşdirmək üçün nə edirsiz? .
* Son 6 ayda özünüz haqqında nə öyrəndiniz?

• ƏLAVƏ OLARAQ AŞAĞIDAKI MÖVZULAR DA SİZƏ MARAQLI OLA BİLƏR:
• Müsahibə sualları

hazırladı: İlqar İbrahimov